'Psgwigu'so'q 1760eg, ula Mawipoqtapeg Wenujg aq Aqalasie'wg etlintultipnig Listugujewei Sipu ugjit ta'n wen newtialsutew ula Elmimtgmig, telwi'tas'g North America.

Majulgwalieg 'Psgewigu'sal 2010al, aq la'lultesnen ta'n sa'q gistliaqap. Ap wije'l tlmawo'tas'gttal s'tge' ta'n teliaqap na sa'q, gatu nige' ugjit ulmiguite'tasultinew aq gepmite'tasultinew ta'nig mimajuinu'g tett eimu'tipnig 1760eg!

Ta'n Getu tla'taqatieg:

Ugjit unjig 'lta'nenu aq mawlugutinenu nige' ta'n getu'tliaqap amgwes, pas'g wijei wigultimgup gatu mu mawo'ltim'gup.

Wi'gupaltimgewei:

Lpa tlta'sites apaj'puguwa'sineg ta'n amgwes i'tlmimajultimg'p ge's pemien ta'n maqatewitas'gl utanji'jl eteg, musga'toq ta'n teloltimg'pneg 1760eg ala wen, E'gatigewaq, Wenujg, Mi'gmewaq aq 'Sgojimenaq. Milita'ten na samqwanigtug, gwitnigtug igatno'tuliten, pugweltew alaqtegewinu, Mat'lotei Nujigmutnet na'gweg aq pa'qalaites ta'n tujiw nmitu'n Mawipoqtapegewei 'Sg'te'gmuju'lg.

Gujmug etligtu'muwa'timg, elt gigtaw tle'g nujigtu'muwa'tijig, musga'tegetten ta'n 'ms't wenig telpiltuo'timg'p.

Te'sipowg alateja'taqatitaq galioggligtug, anguwowei sa'se'wimg, 'tqotaqane'gati'l mitugwatmgl, nutgutatas'gt'tew natgoqwei ta'n musga'toq gisgug ta'n teliaq, gwilwas'gt'tal milesuti'l aq elt pugwelgl igtiggl ta'n mila'taqatiten, me' eigl ta'n etlgisite'tas'gl.

Ulimiguite'taqan:

Ugjit ulmigwite'tmnenu 250 te'sipunqegewei migwite'tas'g, peita'tal mesgi'gl napigwann ula paqatei, aq elt pugwelt'tal me apje'jgl alta'tal ta'n we'gupa'q, tepultitaq ta'nig telpisultitaq 'st'ge' sa'quwe'gi'g aq almilita'taq. Sma'gnisg musga'taq ta'n i'tliatlgo'ti'tij aq milmusga'taqataq ta'n telsma'gnisewultimgp!

Ta'nig mawlugutiegig, Dave Ferguson, Wendy Cosper, Charles Borris, Irene Doyle, Alex MacDonald, Mike Soucy, Joe Wilmot, Michael Moores-LeBlanc and Ghislaine Arsenault aq ms't iga'tu'tij ugtlugowaqanuwow pisuwiw, elugutijig ugjit apoqnmatmmnew ula wigupaltimgewei, sulieweiegsultijig aq gwiluwa'tiji igtiggig ta'n gisiuliapoqnmua'titaq poqjo'tas'g ula gisite'taqanminu.

Naswi'gas'g ta'n telugutieg Gepeg aq Signigtugewa'gig aq teluweg mu suliewei wejitm'g ta'n telugutieg.

Gaqi'sg i'apaja'sites ugjit me goqwei piluwei angua'tas'gtn! Mu Restigouche 1760 Inc. mawtaqane'was'gtnug "The Battle of the Restigouche National Historic site" gisna "the Historical Machault Society"

Toll free: 1-877-667-0748.